തിരഞ്ഞെടുപ്പ് കമ്മീഷന്റെ ചെലവില്‍ പേര് ചേര്‍ക്കാം

തിരഞ്ഞെടുപ്പ് കമ്മീഷന്റെ ചെലവില്‍ വോട്ടർ പട്ടികയിൽ പേര് ചേര്‍ക്കാൻ അവസരം. ഈ മാസം 29നും അടുത്തമാസം 20നുമാണ് അക്ഷയ കേന്ദ്രങ്ങളില്‍ ഹാജരായി കമ്മീഷന്റെ ചെലവില്‍ വോട്ടർ പട്ടികയിൽ പേര് ചേര്‍ക്കാൻ അവസരം നൽകുന്നത്. പേര് ചേര്‍ക്കുന്നതിന് സര്‍ക്കാർ നിരക്കായ 22 രൂപ വീതം തിരഞ്ഞെടുപ്പ് കമ്മീഷൻ അക്ഷയ കേന്ദ്രത്തിന് നല്കും. രാജ്യത്ത് ആദ്യമായാണ് ഇത്തരം ഒരു സംരംഭം. അടുത്ത വര്‍ഷം ജനവരി ഒന്നിന് 18 വയസ്സാകുന്നവര്‍ക്കും ഇപ്പോൾ പേര് ചേര്‍ക്കാവുന്നതാണ്. ( അതായത്1996 ജനവരി ഒന്നിന് മുമ്പ് ജനിച്ചവർ) ഇതിനുള്ള ഓണ്‍ലൈൻ രജിസ്‌ട്രേഷൻ 24 (ചൊവ്വാഴ്ച) തുടങ്ങിക്കഴിഞ്ഞു. ഇതുകൂടാതെ

ഒക്ടോബര്‍ 23 വരെ രജിസ്റ്റർ ചെയ്യാവിന്നതാണ്. ഇതിനിടെ രണ്ടു ദിവസമാണ് തിരഞ്ഞെടുപ്പ് കമ്മീഷന്റെ ചെലവില്‍ പേര് ചേര്‍ക്കാൻ അവസരം നല്കുന്നത്. റേഷന്‍കാര്‍ഡ്, കുടുംബാംഗങ്ങളില്‍ ആരുടെയെങ്കിലും തിരിച്ചറിയൽ കാര്‍ഡ് എന്നിവയാണ് വോട്ടര്‍ പട്ടികയിൽ പേര് ചേര്‍ക്കാൻ വേണ്ടത്. ഇതിന്റെ പ്രിന്റ് താലൂക്ക് കേന്ദ്രത്തിലെ തിരഞ്ഞെടുപ്പ് വിഭാഗത്തില്‍ എത്തിയതിനുശേഷം വില്ലേജ് ഓഫീസ് മുഖാന്തരം ബൂത്ത് ലെവല്‍ ഓഫീസര്‍ക്ക് കൈമാറും. ബൂത്ത് ലെവല്‍ ഓഫീസര്‍ വീട്ടിലെത്തി രേഖകൾ പരിശോധിക്കും.