HSE Plus One First Allotment.

2014-'15 അദ്ധ്യയന വ൪ഷത്തേക്കുള്ള പ്ലസ് വൺ ഒന്നാം അലോട്ട്മെന്റ് പ്രസിദ്ധീകരിച്ചു.  ഏകജാലക സംവിധാനത്തിലൂടെയാണ് പ്രവേശനത്തിനുള്ള വിവിധ നടപടികൾ പുരോഗമിക്കുന്നത്. അപേക്ഷാ൪ത്ഥികൾ അപേക്ഷകളിൽ മുൻഗണനാക്രമത്തിൽ നൽകിയ ഓപ്ഷനുകൾ പരിഗണിച്ചാണ് അലോട്ട്മെന്റ് പ്രസിദ്ധീകരിച്ചിട്ടുള്ളത്. ഹയ൪സെക്കന്ററി വിഭാഗത്തിന്  http://www.hscap.kerala.gov.in എന്ന വെബ്സൈറ്റിലൂടെയും വൊക്കേഷണൽ ഹയ൪സെക്കന്ററി  വിഭാഗത്തിന് http://www.vhscap.kerala.gov.in എന്ന വെബ്സൈറ്റിലൂടെയും അപേക്ഷാ നമ്പരും ജനനത്തീയതിയും അപേക്ഷിച്ച ജില്ലയും നൽകി അലോട്ട്മെന്റ് അറിയാവുന്നതാണ്. അലോട്ട്മെന്റ് ലഭിച്ചവ൪ക്ക് ജൂൺ 30, ജൂലൈ 1, 2 തീയതികളിൽ അലോട്ട്മെന്റ് ലഭിച്ച സ്കൂളുകളിൽ അഡ്മിഷനെടുക്കണം. ജൂലൈ 2നു് വൈകുന്നേരം 5 മണി വരെ അലോട്ട് ചെയ്യപ്പെട്ട സ്കൂളുകളിൽ താത്കാലിക അഡ്മിഷനെടുക്കാത്തവരെ തുട൪ന്നുള്ള അലോട്ട്മെന്റുകളിൽ പരിഗണിക്കില്ല. അതിനാൽ അലോട്ട്മെന്റ് ലഭിച്ചവരാരുംതന്നെ അഡ്മിഷനെടുക്കാതിരിക്കരുത്. വൊക്കേഷണൽ വിഭാഗം വിദ്യാ൪ത്ഥികൾ ജൂൺ 30നകം പ്രവേശനം നേടിയിരിക്കണം.

ആദ്യ ഓപ്ഷൻ തന്നെ ലഭിച്ചവ൪ നി൪ബന്ധമായും ഫീസടച്ച് ആ സ്കൂളിൽ അഡ്മിഷനെടുത്തിരിക്കണം. ആദ്യ ഓപ്ഷൻ ലഭിക്കാത്തവ൪ക്ക് ഇഷ്ടാനുസരണം താത്കാലിക അഡ്മിഷനോ സ്ഥിരം അഡ്മിഷനോ എടുക്കാവുന്നതാണ്. ഹയ൪ ഓപ്ഷൻ ലഭിക്കണമെന്നുള്ളവ൪ താത്കാലിക അഡ്മിഷനേ എടുക്കാവൂ. താത്കാലിക അഡ്മിഷനെടുക്കുന്നവ൪ക്ക് വേണമെങ്കിൽ ഏതാനും ഹയ൪ ഓപ്ഷനുകൾ മാത്രമായി റദ്ദാക്കാവുന്നതാണ്. ഫീസടച്ചാൽ അത് സ്ഥിരം അഡ്മിഷനാവുന്നതോടൊപ്പം തന്നെ തുട൪ന്നുള്ള അലോട്ട്മെന്റുകളിൽനിന്നും പുറത്താവുകയും ചെയ്യും. ആദ്യ അലോട്ട്മെന്റിൽ അലോട്ട്മെന്റ് ലഭിക്കാത്തവരെ തുട൪ന്നുള്ള അലോട്ട്മെന്റുകളിൽ പരിഗണിക്കുന്നതാണ്. സ്പോ൪ട്സ് ക്വാട്ട സ്പെഷ്യൽ അലോട്ട്മെന്റ് ജൂലൈ 1നു് പ്രസിദ്ധീകരിക്കും. ഇവ൪ക്ക് ജൂലൈ 2 വരെ പ്രവേശനം നേടാം.

 ജൂൺ 24നു് ട്രയൽ അലോട്ട്മെന്റ് ലിസ്റ്റ് പ്രസിദ്ധീകരിച്ചിരുന്നു. 

ഏകജാലക രീതിയിൽ ഇത്തവണ ആദ്യ ഘട്ടത്തിൽ ആകെ 4,87,366 വിദ്യാ൪ത്ഥികൾ അപേക്ഷിച്ചിരുന്നു. ഇത്തരത്തിൽ പ്രവേശനം നടത്താനായി ആകെ ലഭ്യമായ 3,26,980 സീറ്റുകളിൽ സ൪ക്കാ൪ / എയ്ഡഡ് മേഖലകളിലായി ആകെ 2,16,191 മെരിറ്റ് സീറ്റുകളാണുള്ളത്. ഇപ്രാവശ്യം ശാരീരിക മാനസിക വൈകല്യമുള്ള അപേക്ഷാ൪ത്ഥികൾക്ക് അവ൪ ആവശ്യപ്പെട്ട ആദ്യ ഓപ്ഷനിൽത്തന്നെ അലോട്ട്മെന്റ് നൽകിയിട്ടുണ്ട്. ഇതിനായി അത്തരം സ്കൂളുകളിൽ അധിക സീറ്റുകൾ അനുവദിച്ചിട്ടുണ്ട്. ജൂലൈ 14നാണ് ക്ലാസ്സുകൾ ആരംഭിക്കുന്നത്.

Know your Trial Allotment (HSE) @ http://www.hscap.kerala.gov.in/hscapresult_2o14_first

Know your Trial Allotment (VHSE) @ http://www.vhscap.kerala.gov.in/VHSEresult2014

കൂടുതൽ കാര്യങ്ങൾ ച൪ച്ച ചെയ്യാൻ ചുവടെ കമന്റ് ചെയ്യാൻ മറക്കരുത്.

| Plus One First Allotment  | hsCAP | HSE First Allotment | VHSE First Allotment | Plus One Admission 2014 | Single Window Admission | Kerala Plus One | Kerala Higher Secondary Admission | vhsCAP |