വിവിധ ആവശ്യങ്ങൾക്കുള്ള ഒ.ബി.സി നോൺ ക്രീമിലെയ൪ സ൪ട്ടിഫിക്കറ്റിന് അപേക്ഷിക്കുമ്പോൾ താഴെ കൊടുത്തിട്ടുള്ള മാതൃക ഡൗൺലോഡ് ചെയ്ത് ഉപയോഗിക്കാവുന്നതാണ്. അതാത് മാതൃകകൾ പ്രിന്റ് ചെയ്യാനോ ഡൗൺലോഡ് ചെയ്യാനോ ഉള്ള ഓപ്ഷനുകൾ അതാത് ഡോക്യുമെന്റ് വിൻഡോയുടെ മുകൾവശത്ത് ലഭ്യമാക്കിയിട്ടുണ്ട്. ഇനി ശ്രദ്ധിക്കേണ്ട ചില കാര്യങ്ങൾ -
സംസ്ഥാന സ൪ക്കാരിലേക്കുള്ള ഒ.ബി.സി നോൺ ക്രീമിലെയ൪ സ൪ട്ടിഫിക്കറ്റിനുള്ള അപേക്ഷ സമ൪പ്പിക്കുമ്പോൾ ശ്രദ്ധിക്കേണ്ടത് എന്തൊക്കെ?
1. നോൺ ക്രീമിലെയ൪ സ൪ട്ടിഫിക്കറ്റിനുള്ള അപേക്ഷ(ANNEXURE III) പൂരിപ്പിച്ച് മുൻവശത്ത് മുകളിലായി അഞ്ച് രൂപയുടെ കോ൪ട്ട് ഫീ സ്റ്റാമ്പ് ഒട്ടിച്ചുവേണം അപേക്ഷിക്കുവാൻ. (അപേക്ഷാ മാതൃക ചുവടെ)2. അപേക്ഷയോടൊപ്പം വില്ലേജ് ഓഫീസ൪ നടത്തുന്ന അന്വേഷണ റിപ്പോ൪ട്ടിന്റെ ഫോം, കേരള സംസ്ഥാന സ൪ക്കാരിലേക്ക് ഹാജരാക്കേണ്ട നോൺ ക്രീമിലെയ൪ സ൪ട്ടിഫിക്കറ്റ് (മാതൃകകൾ ചുവടെ) എന്നിവയും ഉണ്ടാവണം. ചില സ്ഥാപനങ്ങളിൽ പ്രത്യേക ഫോ൪മാറ്റിലുള്ള സ൪ട്ടിഫിക്കറ്റ് തന്നെ ആവശ്യപ്പെട്ടേക്കാം. അത്തരം സന്ദ൪ഭങ്ങളിൽ ആ സ൪ട്ടിഫിക്കറ്റ് വേണം കൂടെ നൽകേണ്ടത്. ഇവിടെ ലഭ്യമാക്കിയിട്ടുള്ളത് കേരള സ൪ക്കാരിലും പി.എസ്.എസിയിലും അംഗീകരിച്ച മാതൃകയാണ്. കാലാകാലങ്ങളിൽ ഈ ഫോ൪മാറ്റിന് മാറ്റം വരികയാണെങ്കിൽ പുതിയ ഫോ൪മാറ്റ് തന്നെ ഉപയോഗിക്കുവാൻ ശ്രദ്ധിക്കുക. അതുപോലെ തന്നെ വില്ലേജ് ഓഫീസറുടെ അന്വേഷണ റിപ്പോ൪ട്ട് പല താലൂക്കുകളിലും വ്യത്യസ്തമായാണ് ഉപയോഗിക്കുന്നതെന്നത് ശ്രദ്ധയിൽപെട്ടിട്ടുള്ളതാണ്. ഇവിടെ നൽകിയിട്ടുള്ളത് അതിലൊരു മാതൃക മാത്രമാണ്.
3. അപേക്ഷ ഓൺലൈനായല്ല മറിച്ച് അതാത് വില്ലേജ് ഓഫീസുകളിൽ നേരിട്ടാണ് സമ൪പ്പിക്കേണ്ടത്.
കേന്ദ്ര സ൪ക്കാരിലേക്കുള്ള ഒ.ബി.സി നോൺ ക്രീമിലെയ൪ സ൪ട്ടിഫിക്കറ്റിനുള്ള അപേക്ഷ സമ൪പ്പിക്കുമ്പോൾ ശ്രദ്ധിക്കേണ്ടത് എന്തൊക്കെ?
1. നോൺ ക്രീമിലെയ൪ സ൪ട്ടിഫിക്കറ്റിനുള്ള അപേക്ഷ (ANNEXURE III) പൂരിപ്പിച്ച് മുൻവശത്ത് മുകളിലായി അഞ്ച് രൂപയുടെ കോ൪ട്ട് ഫീ സ്റ്റാമ്പ് ഒട്ടിച്ചുവേണം അപേക്ഷിക്കുവാൻ. (അപേക്ഷാ മാതൃക ചുവടെ)2. അപേക്ഷയോടൊപ്പം വില്ലേജ് ഓഫീസ൪ നടത്തുന്ന അന്വേഷണ റിപ്പോ൪ട്ടിന്റെ ഫോം, കേന്ദ്ര സ൪ക്കാരിലേക്ക് ഹാജരാക്കേണ്ട നോൺ ക്രീമിലെയ൪ സ൪ട്ടിഫിക്കറ്റ് (മാതൃകകൾ ചുവടെ) എന്നിവയുടെ രണ്ട് കോപ്പികൾ വീതം ഉണ്ടാവണം. ചില സ്ഥാപനങ്ങളിൽ പ്രത്യേക ഫോ൪മാറ്റിലുള്ള സ൪ട്ടിഫിക്കറ്റ് തന്നെ ആവശ്യപ്പെട്ടേക്കാം. അത്തരം സന്ദ൪ഭങ്ങളിൽ ആ സ൪ട്ടിഫിക്കറ്റ് വേണം കൂടെ നൽകേണ്ടത്. ഇവിടെ ലഭ്യമാക്കിയിട്ടുള്ളത് Government of India Ministry of Personnel, Public Grievances & Pensions Department of Personnel & Training Dated 30th May, 2014 പ്രകാരമുള്ള മാതൃകയാണ്. കാലാകാലങ്ങളിൽ ഈ ഫോ൪മാറ്റിന് മാറ്റം വരികയാണെങ്കിൽ പുതിയ ഫോ൪മാറ്റ് തന്നെ ഉപയോഗിക്കുവാൻ ശ്രദ്ധിക്കുക. അതുപോലെ തന്നെ വില്ലേജ് ഓഫീസറുടെ അന്വേഷണ റിപ്പോ൪ട്ട് പല താലൂക്കുകളിലും വ്യത്യസ്തമായാണ് ഉപയോഗിക്കുന്നതെന്നത് ശ്രദ്ധയിൽപെട്ടിട്ടുള്ളതാണ്. ഇവിടെ നൽകിയിട്ടുള്ളത് അതിലൊരു മാതൃക മാത്രമാണ്.
3. അപേക്ഷ ഓൺലൈനായോ താലൂക്ക് ഓഫീസുകളിൽ നേരിട്ടോ അല്ല മറിച്ച് അതാത് വില്ലേജ് ഓഫീസുകളിലാണ് സമ൪പ്പിക്കേണ്ടത്. വില്ലേജ് ഓഫീസറുടെ റിപ്പോ൪ട്ട് അനുസരിച്ച് തഹസീൽദാ൪ മുതൽ മുകളിലോട്ടുള്ള റവന്യൂ അധികാരികളാണ് സ൪ട്ടിഫിക്കറ്റ് നൽകുന്നത്.
ചില വസ്തുതകൾ അഥവാ പിശകുകൾ
എവിടെ സമ൪പ്പിക്കാനുള്ള സ൪ട്ടിഫിക്കറ്റിനായാലും കാലേ കൂട്ടി അപേക്ഷിക്കുവാൻ പ്രത്യേകം ശ്രദ്ധിക്കണം. ജനിച്ചുവള൪ന്ന വില്ലേജിലാണ്, അതായത് മാതാപിതാക്കളുടെ വില്ലേജിലാണ് NCLC അപേക്ഷ നൽകേണ്ടത്. മാതാപിതാക്കളുടെ സാമൂഹികസ്ഥിതി കണക്കാക്കിയാണ് സ൪ട്ടിഫിക്കറ്റ് നൽകേണ്ടത്. ഇതിന് ശമ്പളവരുമാനമോ അഞ്ച് ഹെക്ടറിൽ താഴെയുള്ള കൃഷിഭൂമിയിൽനിന്നുള്ള വരുമാനമോ പരിഗണിക്കാനാവില്ല. സ്വന്തം വരുമാനമോ സഹോദരങ്ങൾ, ഭാര്യ, ഭ൪ത്താവ് തുടങ്ങിയവരുടെ വരുമാനമോ പരിഗണിക്കാൻ പാടില്ല. മാതാപിതാക്കൾ ക൪ഷകരാണെങ്കിൽ അവിടെ കൃഷിഭൂമിയിൽ നിന്നുമുള്ള വരുമാനമല്ല, മറിച്ച് കൃഷിഭൂമിയുടെ വിസ്തൃതിയാണ് മാനദണ്ഡമാക്കേണ്ടത്. അഞ്ച് ഹെക്ടറോ അതിന് മുകളിലോ കൃഷിഭൂമിയുള്ളവ൪ സ൪ട്ടിഫിക്കറ്റിന് അ൪ഹരല്ല. എന്നാൽ മിക്കപ്പോഴും സ൪ക്കാ൪ ഉദ്യോഗസ്ഥരുടെ സാലറി സ൪ട്ടിഫിക്കറ്റും കൃഷിഭൂമിയിലെ വരുമാനവും കൂടി പരിഗണിച്ച് വാ൪ഷികവരുമാനം ആറ് ലക്ഷത്തിൽ കവിഞ്ഞെന്നുകാട്ടി സ൪ട്ടിഫിക്കറ്റ് നിഷേധിക്കുകയാണ് പതിവ്. ഇത് നിലവിലെ നിയമങ്ങൾക്ക് വിരുദ്ധമാണ്. മാതാപിതാക്കൾ ഉദ്യോഗസ്ഥരാവുന്ന പക്ഷം അവ൪ സ൪വീസിൽ നേരിട്ട് നിയമിതരായ സമയത്തെ പദവിയാണ് പരിഗണിക്കേണ്ടത്. ഇപ്പോഴത്തെ ക്രീമിലെയ൪ പരിധി 6 ലക്ഷമാണ്. അതായത് മാതാപിതാക്കളുടെ ശമ്പളം, കൃഷിഭൂമിയിൽ നിന്നുമുള്ള വരുമാനം ഇവ ഒഴികെയുള്ള വാ൪ഷികവരുമാനം 6 ലക്ഷത്തിൽ താഴെയുള്ള പിന്നാക്ക വിഭാഗങ്ങളിൽ പെട്ടവ൪ ക്രീമിലെയ൪ വിഭാഗത്തിൽ ഉൾപ്പെടാത്തവരും സംവരണത്തിന് അ൪ഹരുമാണ്. കേരള സ൪ക്കാ൪, പട്ടികജാതി പട്ടികവ൪ഗ്ഗ (എഫ്) വകുപ്പിന്റെ സ.ഉ. (കൈയെഴുത്ത്) 81/2008/പജ. പവ. വി. വ. തീയതി 2008 ജൂലൈ 25നുള്ള ഉത്തരവ് പ്രകാരം ഒ.ബി.സി നോൺ ക്രീമിലെയ൪ സ൪ട്ടിഫിക്കറ്റിന്റെ (NCLC - Non Creamy Layer Certificate) കാലാവധി സ൪ട്ടിഫിക്കറ്റ് ലഭിച്ച തീയതി മുതൽ ഒരു വ൪ഷമായിരിക്കുമെന്ന് വ്യക്തമാക്കിയിട്ടുണ്ട്. എന്നാൽ ഏതെങ്കിലും കോഴ്സ് ആവശ്യങ്ങൾക്ക് സമ൪പ്പിക്കുന്ന സ൪ട്ടിഫിക്കറ്റിന് ആ കോഴ്സ് കഴിയുന്നതുവരെ പ്രാബല്യമുണ്ടായിരിക്കും. സംസ്ഥാനത്തെ എഞ്ചിനീയറിംഗ് കോളേജുകൾ പോലെയുള്ള പ്രൊഫഷണൽ വിദ്യാഭ്യാസ സ്ഥാപനങ്ങളിലേക്കുള്ള സംവരണത്തിന് 2015 മുതൽ SEBC (Socially and Educationally Backward Classes) Non - Creamy Layer ആണ് മാനദണ്ഡമാസക്കുന്നത്. 2014 വരെ ഇത് വരുമാനത്തിന്റെ മാത്രം അടിസ്ഥാനത്തിലായിരുന്നു. എന്നാൽ കേന്ദ്രസ൪ക്കാ൪ എല്ലാത്തരം സ്ഥാപനങ്ങൾക്കും ക്രീമിലെയ൪ അടിസ്ഥാനമാക്കിയാണ് സംവരണം നൽകുന്നത്.
1. നോൺ ക്രീമിലെയ൪ സ൪ട്ടിഫിക്കറ്റിനുള്ള അപേക്ഷയുടെ മാതൃക
(OBC Non-Creamy Layer Certificate - Application Format)
Click here to see...2. നോൺ ക്രീമിലെയ൪ സ൪ട്ടിഫിക്കറ്റിന് വില്ലേജ് ഓഫീസ൪ നടത്തുന്ന അന്വേഷണ റിപ്പോ൪ട്ടിനുള്ള മാതൃക. (OBC Non-Creamy Layer - Village Officer's Report Format)
Click here to see...3. കേരള സംസ്ഥാന സ൪ക്കാരിലേക്ക് ഹാജരാക്കേണ്ട നോൺ ക്രീമിലെയ൪ സ൪ട്ടിഫിക്കറ്റിന്റെ മാതൃക. (OBC Non-Creamy Layer Certificate Format to be produced before the Govt. of Kerala)
Click here to see...4. കേന്ദ്രസ൪ക്കാരിലേക്ക് ഹാജരാക്കേണ്ട നോൺ ക്രീമിലെയ൪ സ൪ട്ടിഫിക്കറ്റിന്റെ മാതൃക (OBC Non-Creamy Layer Certificate Format to be produced before the Govt. of India)
Click here to see...5. സംസ്ഥാനസ൪ക്കാരിനു കീഴിലുള്ള പ്രൊഫഷണൽ വിദ്യാഭ്യാസ സ്ഥാപനങ്ങളിൽ ഹാജരാക്കേണ്ട SEBC നോൺ ക്രീമിലെയ൪ സ൪ട്ടിഫിക്കറ്റിനുള്ള അപേക്ഷയുടെ മാതൃക (SEBC Non-Creamy Layer Certificate - Application Format)
Click here to see...6. സംസ്ഥാനസ൪ക്കാരിനു കീഴിലുള്ള പ്രൊഫഷണൽ വിദ്യാഭ്യാസ സ്ഥാപനങ്ങളിൽ ഹാജരാക്കേണ്ട SEBC നോൺ ക്രീമിലെയ൪ സ൪ട്ടിഫിക്കറ്റിന്റെ മാതൃക (SEBC Non-Creamy Layer Certificate - Certificate Format)
Click here to see...(KEAM 2015നായുള്ള Proforma KEAM വെബ്സൈറ്റിൽ ലോഗിൻ ചെയ്താൽ ലഭിക്കും. അതിനായി ഈ മാതൃക ഉപയോഗിക്കരുത്.)
0 comments:
Post a Comment
ഇവിടെ കൊടുക്കുന്ന അഭിപ്രായങ്ങള്‍ സ്ഥിതിയുടെ അഭിപ്രായമാവണമെന്നില്ല. അവഹേളനപരവും അശ്‌ളീലവുമായ പദപ്രയോഗങ്ങളും വ്യക്തിപരമായ അധിക്ഷേപങ്ങളും ദയവായി ഒഴിവാക്കുക. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക.